اردو خبریں اور تبصرے

تازہ تر ین

loading...

پیر، 13 اپریل، 2020

لاک ڈاؤن ،وزارت تعلیم نے ایسا کام کرنے کی منصوبہ بندی مکمل کر لی کہ والدین کی خوشی کی انتہا نہ رہے گی




اسلام آباد( آن لائن)لاک ڈاؤن کے پیش نظر سکولز بند ہونے کی وجہ سے بچوں کو گھروں کے اندر تعلیم و تربیت فراہم کرنے کے لئے وفاقی وزارت تعلیم نے" ٹیلی سکول" کے نام سے چینل کے قیام کا فائنل راؤنڈمکمل کرلیا۔
وفاقی وزیرتعلیم شفقت محمود نے اجلاس کی صدارت کرتے ہوئے کہا کہ حکومت نے انفراسٹراکچر  اکیڈمک ٹیکنیکل اور پروفیشنل مہارتوں کی بنیادپر اس قومی کاز کے لئے اوپن یونیورسٹی کاانتخاب کیا ہے۔ وزیرتعلیم نے ڈیجٹلائزیشن اور یونیورسٹی کی مجموعی ترقی کے لئے حالیہ اقدامات کو بھی سراہا۔شفقت محمودنے مدارس کے طلبہ کے لئے میٹرک ایف اے اور بی اے سطح پر اوپن یونیورسٹی کے درس نظامی پروگرامز میں گہری دلچسپی ظاہر کی۔وزیر تعلیم نے کہا کہ حکومت وزارت تعلیم میں ڈسٹنس لرننگ وینگ کے قیام کی منصوبہ بندی کررہا ہے جس میں ہمیں اوپن یونیورسٹی کی ٹیکنیکل معاونت کی ضرورت ہوگی۔ اِس موقع پر یونیورسٹی کے وائس چانسلر پروفیسر ڈاکٹرضیاءالقیوم نے وزیر تعلیم کو یقین دہانی کرائی کہ لاک ڈاﺅن کی وجہ سے گھروں میں پھنسے سکولزکے بچوں کوتعلیمی سپورٹ فراہم کرنے کے لئے اوپن یونیورسٹی لیڈنگ کردار ادا کرے گی اور اس حوالے سے دستیاب تمام وسائل بروئے کارلائے گی۔ ٹیلی سکولز چینل کو اوپن یونیورسٹی سٹوڈیوز پروڈکشن ایڈیٹنگ اورٹیکنیکل معاونت فراہم کرے گی جبکہ پاکستان ٹیلی ویژن کارپوریشن )پی ٹی وی( روزانہ آٹھ گھنٹے ٹیلی سکولزچینل کے تحت تعلیمی پروگرامز ٹیلی کاسٹ کرے گا۔ اوپن یونیورسٹی کی اکیڈمک سپورٹ کے لئے سیکریٹری ایجوکیشن  ڈاکٹر ساجدیوسوفانی پارلیمانی سیکرٹری برائے تعلیم وجیہہ اکرم ،ٹیکنیکل ایڈوائزر عنبرین عارف اور وائس چانسلر پروفیسر ڈاکٹر ضیاءالقیوم کے مابین بھی نشستیں منعقدہوئی تھیں۔ یونیورسٹی کے انٹرنیشنل کولوبریشن آفس کے انچارج ڈاکٹر زاہدمجیدنے یونیورسٹی کی پروفائل پر تفصیلی پریزنٹیشن دی۔

کوئی تبصرے نہیں:

ایک تبصرہ شائع کریں

مزید خبریں