اردو خبریں اور تبصرے

تازہ تر ین

loading...

بدھ، 22 اپریل، 2020

کرونا وائرس کے معاشی، سماجی اور نفسیاتی اثرات پر بھی نظررکھی جائے،سول انتظامیہ سے ہر ممکن تعاون کیا جائے گا، آرمی چیف جنرل قمر جاوید باجوہ نے اہم احکامات جاری کر دیے




اسلام آباد/راولپنڈی (این این آئی) پاک فوج کے سربراہ جنرل قمر جاوید باجوہ نے کہا ہے کہ کورونا کے پھیلاؤ کو روکنے کے لئے سول انتظامیہ سے ہرممکن تعاون کیا جائے گا،پاک فوج رمضان میں دوسرے اداروں سے مل کر قوم کو ہر ممکن سہولیات فراہم کرے اور کورونا وائرس کے معاشی، سماجی اور نفسیاتی اثرات پر بھی نظررکھی جائے، سول،ملٹری مربوط روابط کیلئے این سی اوسی کاکردارلائق تحسین ہے۔ بدھ کو پاک فوج کے شعبہ تعلقات عامہ (آئی ایس پی آر) کے مطابق آرمی چیف جنر ل قمرجاوید باجوہ نے نیشنل کمانڈ اینڈ کنٹرول سینٹر کا دورہ کیا، جہاں ڈی
جی پلاننگ این سی اوسی جنرل آصف محمود گورایا کی جانب سے سربراہ پاک فوج کو جاری سرگرمیوں پر بریفنگ دی گئی۔آئی ایس پی آر کے مطابق سربراہ پاک فوج کو کورونا وبا کے پاکستان میں متوقع پھیلاؤ کو روکنے کیلئے اقدامات سے آگاہ کیا گیا، وائرس سے پیدا صورتحال، نیشنل کمانڈ کے فیصلوں، سول انتظامیہ کی مدد و تعاون اور ٹیسٹنگ وقرنطینہ سے متعلق بھی بریفنگ دی گئی۔اس موقع پرآرمی چیف جنرل قمر جاوید باجوہ نے کورونا کی روک تھام کیلئے محدود وسائل میں کیے گئے اقدامات اورکوششوں کی تعریف کی اور این سی او سی کی کارکردگی کو سراہتے ہوئے کورونا کے خطرے سے متعلق جائزے کو جاری رکھنے کی ضرورت پر زور دیا۔ سربراہ پاک فوج نے کہا کہ پاک فوج کورونا وبا کے پھیلاؤ کو روکنے اور عوام کی مدد کیلئے سول انتظامیہ سے ہر ممکن تعاون جاری رکھے گی۔آرمی چیف نے ہدایت جاری کی کہ پاک فوج رمضان میں دوسرے اداروں سے مل کر قوم کو ہر ممکن سہولیات فراہم کرے، اور کورونا وائرس کے معاشی، سماجی اور نفسیاتی اثرات پر بھی نظررکھی جائے۔

کوئی تبصرے نہیں:

ایک تبصرہ شائع کریں

مزید خبریں